Transparency International Greenland, Sulisitsisut aamma Nunatsinni Advokatit ulloq 27. november Katuami nal. 16.30 – 20.00 ataatsimeersuartitsiniarpoq. Aaqissuussami pingasunik saqqummiussisoqarluni nassuiaasoqassaaq, taakkunani sammineqassallutik inuiaqatigiinni ammasumik oqallinnerni peqataannerit qanoq pingaaruteqartigineri aammalu inuiaqatigiinni nunatsinnitut mikitigisuni ilisimasanik saqqum-miussinnissamut piginnaatitaaffiit pisussaaffiillu. Isissutissat Katuap saaffiginnittarfiani pisiarineqarsinnaapput, inissallu killeqarlutik.
Transparency International Greenlandimit (TIG) pingaarnertut suliniutigineqarpoq peqquserluttarnermik akiuiniarneq. Ammasumillu oqallinnerni pitsaasuni pisariaqartinneqarput, ilisimasallit, ilinniarsimasut, immikkut ilisimasallit nalinginnaasumillu atorfillit peqataajumanissaat ilisimasaminnillu tunniussuinissaat. Kalaallit Nunaannili qanoq ingerlasoqarpa, inuiaqatigiinni kikkut tamarmik ilisarisimaneqarfigisaanni.
16.30 – 16:45Tikilluaqqusineq tikilluaqqusisoralugu Transparency International Greenland
16:45 – 17:30 Immikkut ilisimasallit nipangersimaannaraangata aammalu tusagassiuutit inissisimanerinut sunniutaasut
Inuiaqatigiinni ammasumik inuiaqatigiinni ingerlatsisuni, kikkut tamarmik oqartussaaqataanneranni tusagassiuutit pingaruteqarluinnarput, taakkulu ullut tamaasa inissisimanerminnik atuinissaat unammilernartoqartuartuusarpoq, amerlaqisut isummaminnik annissiumasannginnerat ilisimasaminnilluunniit saqqummiussiumasannginnerat peqqutigalugit.
Tusagassiuutit nipangersimaannarneq qanoq misigisarpaat tamannalu ammasumik oqallinnerni sulinerannut pitsaassutsinullu qanoq sunniuteqartarpa.
Saqqummiussisoq: Mikkel Bjarnø Lund, Nunatta Radiuani Nutaarsiassiornermi pisortaq nunatsinni ukiut qulit sinnerlugit, aviisiliortutut, aaqqissuisutut Radiumi TV-milu maannalu tassa KNR-imi tusagassiornermi pisortatut, sulisimasoq.
17:30 – 18:15 Inatsisitigut sinaakkutit – piginnaatitaaffiit suut pineqarpat?
Pisortani atorfillit naqisimaneqaratik oqalussinnaatitaanerat oqallisigissavarput – killiliussat qanoq ittuuppat, tamakkulu nunami Kalaallit Nunaattut ittumi qanoq sunniuteqarpat, nunami pisortat annertuumik sulisitsisuuffigisaanni. Qanoq kinguneqarsinnaava tunngaviusumik inatsimmi isumannaagaasumik naqisimaneqarani oqalussinnaatitaaneq pisortani atorfeqarluni atorneqarpat, tassanilu nipangiusseqqusaanerit tatiginartumillu sullissinermut tunngasut naqisimaneqarani oqalussinnaanermut qanoq sunniuteqarpat.
Pisortat ingerlatsiviisa anginerujussuat sulisuusut naqissimaneqaratik oqaase-qarsinnaatitanerannut killilersuutava – aaqqissuussaasumik piaarinaatsoornikkulluunniit. Aallaavigissavagut nunatsinni naqisimanerani oqarsinnaatitaanermut aammalu sullivimmut ilumoortumik sulinissamut atasunik pisartut nalunngisagut, qimerloorlugillu, tamakku qanoq sinaakkusersorneqarsinnaanersut.
Saqqummiussisoq: Britta Keldsen, eqqartuussissuserisoq aammalu Paulsen|Keldsen Advokatanpartsselskab,mi piginneqataasoq, lisimatusarfimmi sullivinni inuussutissar-siornermilu inatsisitigut tunngaviusut pillugit Ilisimatusarfimmi avataanit aggersakkatut ilinniartitsisatoq, Nunatsinni Eqqartuussissuserisut ataatsimoorfianni siulersuisuni ilaasortaasoq aammalu Qallunaat Eqqaruussissuserisuisa aallartitaqarfiani ilaasortaasoq
18:15 – 18:45 Unillatsiarneq – paarlermi Kaffe, the patitsitartugassallu.
18:45 – 19:45 Qanoq iliorluni inuit naqisimaneqaratik oqalussinnaanermik atuiffigiumasat pilersinneqarsinnaava?
Nunami pituttuiffiunngitsumi inuuvugut, nunami kikkut tamarmik isummersorfigisinnaasaanni. Ilumulli taamaannerpa? Qanormi iliorluni pilersinneqarsinnaava inooriaaseq, inuit aporaaffiusut nuannersuinnaanngitsullu pillugit oqaloqatigiinniissaannik kajungertitsisoq?
Saqqummiussisoq: Flemming Rose, Naqisimaneqarani oqalussinnaanermut tunngasunik nunarsuaq tamakkerlugu tusagassiutit aqqutigalugit saqqummiussuisartoq, tamannalu pillugu nunarsuaq tamakkiusavillugu oqallinnerni oqalugiartutullu peqataasartoq. Flemming qallunaajuvoq atuakkiortoq, tusagassiortoq ilisimasassarsiortartuusorlu. Siusinnerusukkullu aviisimi Jyllandspostenimi piorsarsimassutsimut nunanilu allani pisartunut aaqqissuisuusimasoq. Ilisimaneqaatiginerpaavaa tassaagami, angut september 2005 muhammedimik titartakkani saqqummiussisuusoq.
20:00 Qujanaq unnummut.