Sooq ilaasortanngortoqassava?

Transparency International Greenlandimi ilaasortatut inuiaqatigiinni kalaallini peqquserluttuliorneq pinaveersaartinniarlugu sulineq tapersersussavat

Inuiaqatigiinni innuttaasut tamarmik assigiimmik pisinnaatitaaffeqarnissaat qulakkeerniarlugu inatsisiliortoqartarpoq. Inuiaqatigiinni peqquserluttuliortoqartillugu inuit, suliniaqatigiiffiit suliffeqarfiillu ilaasa inatsisit unioqqutinniarlugit arlaatigut iliuuseqartarput taamaalillutillu inuiaqatigiinni innuttaasut allat periarfissarinngisaannik periarfissarsisarlutik. Tamanna naligiinnginnermik pilersitsisarpoq innuttaasullu nukissakilliortut ikitsuinnarnillu ilisarisimasallit periarfissaannik arsaartortarlugit, uffa namminneq periarfissarissaarnerulerniarlutik akiliisarlutik. Taamaattumik inuttut ataasiakkaatut Transparency International Greenlandimut tapersersuinissat pingaartuuvoq naleqquttuulunilu, taamaaliornikkut inuiaqatigiinni innuttaasut kikkunnilluunniit ilisarisimasaqaraluarunik qanorlu nukissaqartigigaluarnik naligiimmik periarfissaqarnissaat qulakkeerinneqataaffigissagakku.

Aamma peqquserluttuliortarnerup akiornissaa suliffeqarfittut soqutigisarivat. Peqquserluttuliorneq unammilleqatigiinnermik equtitsisarpoq, tamatumunnga peqqutaavoq inuiaqatigiinni peqquserluttuliorfiusuni unammilleqatigiilluni niuernerup atorunnaarsinneqartarnera, tassa imaappoq suliffeqarfik pitsaanerpaamik akikinnerpaamillu sullissiniartoq suliakkerneqarani, suliffeqarfiit akilerlugit peqquserlutsitsinissamut akissaqarnerpaaq suliakkerneqartarpoq.

Taakku qaavatigut nunatsinni aatsitassanik ikummatissanillu tunisassiornissap soqutigineqaleraluttuinnarnerata kingunerisaanik ingerlatseqatigiiffiit nunanit tamalaaneersut nunatsinni niuerfissarsiortalerput. Ingerlatseqatigiiffiit amerlasuutigut kalaallinut nioqqutissanik pilersuisussaminnut piumasaqartarput ersarissumik ingerlatseriaaseqarnissartik taakku isummerfigisimassagaat. Taamaattumik naleqquppoq kalaallit suliffeqarfiutaassa ataasiakkaat suleriaatsimik ersarissuunissaannik samminninnissaat. Taamaaliornissamut Transparency International Greenland iluaqutaasinnaavoq. Taamaattumik Transparency International Greenland aamma illit suliffeqarfiutinnut naleqquppoq.

Transparency International Greenland. Ilaasortat: Medlemmer april 2017

Unammisitsineq Pitsaanerusumik inuuttaasumik peqataatitsineq imatut!

Seminarimut aggeqqussut

Ilaasortat periarfissaat

Pingaarutilimmik suliaqarniarnermi saniatigut aamma Transparency International Greenland periarfissanik allanik ilaasortaminut neqerooruteqarpoq:

Siunnersuineq:
Ilaasortat peqatigiiffiup attaveqaataanut allanut, peqquserluttuliorneq tamatumalu akiorniarnera pillugit immikkut ilisimasalinnut, attaveqarnissaminnut periarfissaqarput. Peqatigiiffik siunnersuisarfiunngikkaluarpoq, kisiannili siunnersuinissamut misilittakkanillu avitseqatigiinnissamut piumassuseqarpoq.

Pisussanik aaqqissuussineq:
Ukiut tamaasa ilaasortanut isumasioqatigiissitsisoqartarpoq oqalugiartoqartarlunilu. Siunissami aaqqissuussinissat uani takukkit.

Nutaarsiassat:
Transparency International Greenland-imut ilaarsortat peqatigiiffiup nutaarsiassaataanik nassinneqartassapput.

Suliniaqatigiiffinnut oqalugiarnerit:
Suliniaqatigiiffiit peqaatigiiffimmut ilaasortat peqatigiiffiup sulinermini tunngavii sulinerallu pillugit ataasiarlutik oqaluarfigineqarnissaminnut periarfissaqarput.

Kina ilaasortanngorsinnaava

Inuk kinaluunniit, suliffeqarfik suliniaqatigiiffilluunniit suugaluartoq, peqatigiiffiup anguniagaanik sulinerminilu tunngaviinik tapersersuisoq tapersersuilluni ilaasortanngornissamut tikilluaqqusaavoq. Ilaasortaariaatsit marluk neqeroorutigaavut:

Inuttut ataasiakkaatut ilaasortaaneq
Inuttut ataasiakkaatut ilaasortanngortoqarsinnaavoq. Ilinniartut, pensionisiallit imaluunniit pisortat ikiorsiissutaannik allanik pisartagallit akikillileriffigineqartassapput.

Suliniaqatigiiffittut ilaasortaaneq
Suliniaqatigiiffiit suugaluartut – tassa suliffeqarfiit, pisortat suliffeqarfiutai kajumissutsiminnillu suliniaqatigiiffiit, partiit politikkimik ingerlatallit pinnagit.

Tunissutit

Inunnit imaluunniit suliniaqatigiiffinnit aterminnik/taaguutiminnik taasisunit peqatigiiffik tunissutiserusuttorujussuuvoq.
Ilaasortat aamma tunissuteqarnissaminnut periarfissaqarput. Ilaasortaanermulli akiliutip tunisisumillu ataatsimit tunissutip (ilaasortamit imaluunniit suliniaqatigiiffimmit) ukiumut katillugit 100.000 kr. qaangeqqusaanngilaat.

Tunissutinut atatillugu sinaakkutit

Tunissutit, siulersuisuini ilaasortanut Allattoqarfimmiluunniit sulisunut tunniunniarneqartut nalinginnaasumik qujaannarluni tiguneqarneq ajorput. Tunniunniarneqartut nalituujutinnagit Allattoqarfimmut tunniunneqassapput, allaffimmi atorneqarsinnaasunngorlugit imal. ukiumoortumik ataatsimeersuarnermi makitsinikkut eqqugassanngortinneqassallutik. Tunissutitut tunniunneqartut suuneri ingerlaavartumik nalunaarsorneqartassapput.

 

Qanoq ilaasortanngortoqartarpa.
info@transparency.gl-imut saaffiginninnikkut ilaasortanngortoqarsinnaavoq
Ilaasortaanermut akiliut:
Nalinginnaasumik (inuit ataasiakkaat) ilaasortaanerat ukiumut 100 kr.
Ilinniartut, pensionisiallit allallu pisortat
Ikiorsiissutaannik allanik pisartagallit ukuimut 50 kr.
Qulit sinnerlugit sulisilinut ukuimut 6.000 kr.
Qulit ataallugit silisulinut ukuimut 3.000 kr.

Ilaasortat ilaasortaanermut akiliut qaangerlugu peqatigiiffimmut tunniussaqarsinnaapput ilaasortalli ataatsip ukiumut amerlanerpaamik 100.000 kr., tunissutaasinnaasut ilanngullugit, qaangissanngilaa.

Ilaasortanngornissamut qinnuteqaat uani Ilaasortanngorniarluni qinnuteqaat