Transparency International Greenland sunaava?

Siunertaa

Transparency International Greenland suliniaqatigiiffiuvoq nunat tamalaat suliniaqatigiiffiat Transparency International suleqatigalugu Kalaallit Nunaanni peqquserluttuliorneq pinaveersaartinniarlugu suliaqartoq. 2015-imiTransparency International Greenland Transparency Internationalip ilaasortaanera. Greenland NC Accr Agrmt signed 2015

Peqatigiiffiup siunertaraa TI suleqatigalugu nuna tamakkerlugu nunanilu tamalaani peqquserluttuliornerup pinaveersaartinnissaa.

Oqartussaasoqarfiit paasissutissanik inunnut tamanut isertuussinnginnissaasa annertuumik suliniutigineratigut peqquserluttuliorneq peqatigiiffiup akiorniarpaa aammalu peqquserluttuliornerup suuneranik ajoqutaanillu illisimasat siaruartissallugit.

TI-p najoqqutassasa malinnissaannut peqatigiiffik imminut pisussaaffilerpoq imaaliornikkut:

  • Nammineq suliffiutilinni pisortallu suliniaqatigiiffiini inatsisit, allaffissornikkut suleriaatsit il. il. eqqummaarilluni malinnaavigalugit, taamaaliornikkut pissusilersuutit peqquserluttuliornermik pilersitsisinnaasut imaluunniit suusupaginnilersitsisinnaasut eqqumaffiginiarlugit, taavalu aamma
  • Sanngeequtaasinnaasunik uparuaasarnikkut aammalu pitsanngorsaataasinnaasunik siunnersuuteqartarnikkut

Pingaartumik immikkoortoq kingulleq pissutaarpiarluni maannakkut Transparency International Greenland pilersinniarneqarpoq. Kalaallit Nunaanni aningaasarsioriaatsip allanngorujussuarnissaa ilimagineqarsinnaavoq, tassami aatsitassanik ikummatissanillu tunisassiorneq siunissami initusigaluttuinnartussaammat. Misissuinerit takutippaat nunani allani pisortat sanaartortitaat, uuliamik aatsitassanillu qalluinerit tassaasut peqquserluttuliorfiunerpaat. Tamatuma aamma Kalaallit Nunaanni pinissaa pinngitsoortinniarlugu aatsaat taama pingaartigaaq pisortat aalajangiisarnerisa suliffeqarfinnut, tunisassiornermi peqataalersussanut ersarissuunissaat, aammali innuttaasunut inuuniarnikkut tunisassiornermit sunnerneqartussanut.

Vedtægtsændringer pr. 28. maj 2015. Vedtægter indsættes snarest.