Transparency Nunarsuarmut Tamarmoortoq
Transparency International Greenland (TIG) ‘nunagisami immikkoortortaqarfiuvoq’ Nunarsuaq Tamakkerlugumoortup ataaniilluni (TI), Nunarsuaq tamakkerlugu kajumissuseq malillugu suliaqartartoqarfiulluni. TI Berlinimi qitiusumik qullersaqarfeqarpoq (TI-S).
TI nunani 100-t sinnerlugit immikkoortortaqarfeqarpoq, taakkunanilu tamaginni akimut ersarissaanissamik suliaqartoqarlunilu peqquserluuteqartoqartarnernik pinaveersaartitsiniutinik suliaqartuupput. TI-p suliniutai amerlaqaat siammasillutillu, Naalakkersuinikkut, namminersorlutillu ingerlasunut nunagisamilu najugaqarfik, innuttallu ataatsimut isigalugit sullissisartuupput. Taamaasiornermikkut qulakkeerusuppaat akimut ersarissaaniarnertigut suliniutimik annertunerpaaffimminiinnissaat.
TI toqqammavilerneqarpoq 1993-mi siullersaallunilu kattuffik, peqquserluuteqartarnermik eqqartuinissamik qaqitaqartoq. TI aamma peqquserluttarnermut akiuiniutinik aallarneeqataanikuuvoq soorlu OECD-p Akilerlugu akuersititsisannginnissamut isumaqatigiissut, Naalagaaffiit Peqatigiit peqquserluttarneq pillugu isumaqatigiissusiaat kiisalu attaveqaqatigiiffik, Naalagaaffiit Peqatigiit ataaniittoq, Global Compact.
Nunat immikkoortortaqarfiini peqquserluttarnernut akiuiniarnerminni immikkut tamarmik tulluarsakkanik periusissiortarput peqquserluutinut pineqartunut ataqatigiissaakkaminnik sakkulersorlutik. Suliaannut soorlu aamma ilaapput inatsisilerinermut siunnersuinerit kiisalu illersuiniarnikkut suliaqarnerit, Naalakkersuisunut peqquserluttarneq pillugu inatsiseqarnikkut siunnersuisutut inissisimallutik.
Peqquserluttarneq nunat akimorlugit pigajuttuuvoq taamaattumik Nunarsuaq tamakkerlugumoortoq TI-attaveqaqatigiit, immikkortortaqarfinni nunarsuarmilu tamarmi anguniagaliussatsitut siunnerfitsinnik piviusumut tutsitsiniaanermi, qitiuvoq. (Nunarsuarmut tamarmut periusissiaq 2030) Taassuma saniatigut, Nunani immikkoortortaqarfiit maligassiuisuupput TI-p paasiniaaqqissaarutaannut misissueqqissaarutaannullu.
TI politikkikkut sumulluunniit sukkulluunniit attuumassuteqanngilaq aammattaarlu pilersaarusiatik sammisassiatik aningaasaliissuteqarsimasuniik sunnigaanngitsumik ingerlattarpaat.
Nunarsuaq tamakkerlugu immikkoortortanik akuersaarinninneq
Nunarsuarmi immikkoortortaqarfiit akuersaarinninnerup iluani tulleriissaakkamik alloriuteqaqattaartinneqartarput, qaffasinnerpaamik pitsaaffiliinissaq kattuffimmilu tatiginassuseqarnissaq anguniarlugit. Akuerineqartarneq akuerineqaqqittussaasarnerlu ukiut pingasukkaarlugit pisarpoq, taamaaliortarput paaserusullugu, immikkoortortaqarfinni ilumut kattuffiup naleqartitai tunngavissiaalu eqqortumik malinneqarnersut, qulakkeerumallugu. Kalaallit Nunaat iluitsumik akuerisanngorpoq 2015-mi taamanerniilli marloriarluni akuerineqaqqinnikuuvoq.
Akuerineqarnerput kingulleq takuuk. (pdf ikkunneqassaaq)
Nunarsuaq tamakkerlugu qullersaqarfik
TI-p qullersaqarfissua Berlinimi inissisimasuuvoq, tassanngaanniillu nunarsuup sinnerani pisussat aqunneqarput. Qullersaqarfik ilaasortaqarfimminnik avitseqateqartarnernuik ataqatigiissaarisuullutillu illersuiniarnikkullu suliaqartuullutik saniatigut kattuffimminnik ineriartortitsisuupput.