Transparency International Greenland https://transparency.gl The Global Coalition Against Corruption Thu, 14 Mar 2024 15:04:14 +0000 kl-GL hourly 1 https://wordpress.org/?v=6.4.3 https://transparency.gl/wp-content/uploads/cropped-TI-logo-32x32.png Transparency International Greenland https://transparency.gl 32 32 Tusagassiuutit inuiaqatigiiaqqani – Kalaallit Nunaat Savalimmiullu https://transparency.gl/tusagassi/ Thu, 14 Mar 2024 15:03:36 +0000 https://transparency.gl/?p=26811 Uge 9-mi Transparency, Ilisimatusarfik suleqatigalugu Kalaallit Nunaanni Savalimmiunilu tusagassiuutitigut pissutsit pillugit sammisassaqartitsilluni katerisimaartitsimmat, inunnik ulikkaavillugu aggiasimapput.

Pissaanernimmik atornerluisartunik, pissaanermik pigisalinnut nakkutiginninniartussatut, akimut ersarissaanertigut kiisalu peqqinnartumik oqallitsitsisoqartarnissakkut, tusagassiuutit qanoq tamakkunuunasigut qitiutigineri ersersikkusussimavaat, Transparencykkunnut pissusissamisuuinnarpoq tusagassiuutinut atugassarititanik erseqqissaaqataanissamut peqataanissaq. Tusagassiuutit qajannaatsut tamat oqartussaanerannik ingerlatsilluarnissamut aqqutaapput toqqammaviusussaallutillu, paasissutissilluarneqartartunik inuiaqatigeeqqalernissaanut peqataaqataasutut.

Nalilerujussuarnik paasissutissanik immersorneqarluarpugut sammisassaqartitsinitsinni saqqummiisuniik pingasunit:

  • Tusagassiornikkut suliaqartartutut inuiaqatigiinni ikittukkaani suliaqartuuneq allanut naleqqiullugu navianarnerujussuarmut inissiffioriataarnarsinnaaneruvoq. Signe Ravnip ph.d-liani: Inuiaqatigiiaqqani tamat oqartussaanerat – kalaallit-nunaanni tusagassiornerup aaqqissuussaanera tikillugu tigussaasumik paasisassarsiorfigalugu misissueqqissaarsimanermi  ilaanik nassuiaassuteqarfigivaatigut, qanoq tusagassiornermik suliaqartartunut amerlanertigut unaalertartoq tamat oqartussaanerisa aqqani isummersuutit, taakkuulertarlutik apeqqutaalersut pissarsiaqarniassagaanni, ingerlaniarnerminni aporfissarpassuaaraqartarlutik, ersarissaaffigalugulu, qanoq inuiaqatigiiaqqani taama inuttut inunnik imminnut qaneqattaatsigisuni oqartussaaffitsigullu pisussaaffinnik qaleriaattumik inisseqqasinnaasunik isornartorsiuiniaraluarluni aporfilersuuterpassuaqartigisumiilluni sulianut naalleraataasunik apeqqarissaarfiginiaraluakkallu oqaaseqarnissaminnut noqittut, suliaq ajornaatsuinnaanngilaq.
  • Katrin Petersenip, Kringvarp Føroya-mi nutaarsiassaateqarfiup pisortaata Savalimmiuni tusagassiornikkut atugassarititaminnik paasissutissanik nassuiaassuteqarfigivaatigut. Tusagassiornikkut politikkeqartitserusunnerminut kissaatigisinnaasaminik tunngavilersuilluni saqqummiivoq, nunaminni tusagassiiviit atuuttut ilalerlugit, tusagassiiviit ingerlalluarsinnaalluartut, isornartorsiuisinnaasut, tamatigoortumillu ingerlassisinnaassusillit. Taakkua saniatigut ersarissarusutaanut ilaavoq qanoq, tusagassiortut pikkoriffigitigigaat tusagassanik misissueqqissaarnerminnut sakkortusaataasussamik, allagaatinik sammisamut tunngasunik takunnissinnaanissamut qinnuteqaasiortarneri.
  • Kalaallit Nunaanni tusagassiorneq inunnik ataasiakkaannguarniinnaq isumalluuteqarpoq. Arnaq Niesenip tusagassiortut peqatigiiffiani siulittaasup, nassuiaassutigaa, qanoq kalaallit tusagassiortuinut pissutsit unamminarsinnaatigisut, aaqqissuussaanikkuinnaanngitsoq, qanoq sapiissuseqartariaqartartigisut, qanorlu tusagassiortunut ataasiakkaanut, isornartorsiuinerigaluit qanoq taakkununnga kinguneqartitseriatariaannaatigisut.
]]>
Ataatsimeersuarneq 2024 https://transparency.gl/ataatsimeersuarneq-2024/ Sun, 10 Mar 2024 11:59:29 +0000 https://transparency.gl/?p=26782 Ataatsimeersuarneq 9. april nal. 17 – 18 ingerlanneqassaaq.

]]>
Eqqaaniut https://transparency.gl/eqqaaniut/ Wed, 21 Feb 2024 13:30:48 +0000 https://transparency.gl/?p=26688 Russit oqartussaatitaat upperissagaanni, Alexei Navalny toqukkut qimagussimaneragaavoq februarip ulluisa 16-anni. Peerunnerani nunarsuarmioqataasugut, nipi ersarissoq atorlugu, maligassiuilluni peqquserluttarneq akiorniarlugu sorsuutilimmik, peerunnerani pingaarutilimmik sunniuteqarluarsimasumik annaasaqarpugut. Toqukkut peerunnerani eqqaasinneqarpugut, tamatta immikkut akisussaaffeqartugut immitsinnut paarilluarnissatsinnut, tamat oqartussaanerat kiffaanngissusilimmik isummersorsinnaatitaanerput kiisalu eqqunngitsunut pisunut akersuuteqartuarnissarput. Navalny tassaasimammat inuit tuusintilikkaat ilaat inuit pisinnaatitaaffiinik illersuisutut, peqquserluttarnernullu akiuiniartartut, siuttut ilaattut, tusagassiortullu sapiitsut, nunarsuarmi sumi tamani parnaarussaaqqasimasut ilaat. Ajoraluaqisumillu maannakkut peerutereersimalersup, eqqaaneqarnera ataqqinartuuli.

Peqquserluttarnermut akerliussuseq uunga uniinnassanngilaq. Ruslandimi aliasunneq avammut takuteqqusaanngilaq misiginneqataaqqusaanngilaq isummersuutaaluunniit isumaqataaffigeqqusaanngillat. Taamaakkaluartoq takuagut, aliasullutik misiginneqataallutik tapersersortaatut sassartoqartoq. Malugivarput, pisaanilissuit ersissuteqartut, ilami aamma sooq inuit naasortaliisut paarnaarutissagamikkit, toqusimasumik eqqaaniaammata? Navalny Kremlimi peqquserluuteqartoqarnera Putinillu pissaanermik atornerluisarneri, oqaasinnguiffigisarnikuuvai. Ukiorpassuarni nunani allaniiginnarluni akerliuffigalugu ingerlassimasinnaagaluarlugu, toqqarnikuuvaa angerlarnissani isummersuutinilu pillugit parnaarussaajartorluni.

Transparency International nunarsuaq tamakkerlugu kattuffiuvoq, peqquserluttarnernik akiuiniarluni sulissuteqartoq, sumiluunniit sutigullu tamatigut akiuiniartuulluni. Nunarsuaq tamakkerlugumi 100-t sinnerlugit immikkoortortaqarpoq. Ruslandimi aamma immikkoortortaqarnikuugaluarpoq, taannali ukiup ataatsip matuma siorna oqartussanit matuneqarpoq. Nunarsuaq tamakkerlugu immikkortortarpassuit ataatsimoorlutik nukittunerujussuupput nunami immikkoortortamut ataatsinnguarmut naleqqiullugu. Tamat oqartussaanerat Nunarsuaq tamakkerlugu tapersersorneqarnissaa pisariaqarpoq. Nunani killerni nunat tamat oqartussaaqataanerat tunngavigalugu naalakkersuinikkut ingerlatsisut tassuunatigut annertuumik akisussaaffeqarput, taamaakkaluaq nunat mikinerusut aammattaaq oqartussaassuseqaqataapput. Uangalu illillu aamma akisussaaffeqarpugut. Navalnyp toqunera tamaangaannartillugu asuliinnartissanngilarput.

]]>
Ammasuunermut nersornaat https://transparency.gl/ammasuunermut-nersornaat-2023/ Fri, 08 Dec 2023 12:58:21 +0000 https://transparency.gl/?p=26383 TUSAGASSIUUTINUT NALUNAARUT

På billedet ses Inuk Lundblad, formand for Transparency international Greenland, Masaana Egede, direktør for Mediehuset Sermitsiaq AG og Dorthe Olsen, chefredaktør for avisen Sermitsiaq.

Aviisi Sermitsiaq 2023-mi Kalaallit Nunaanni ammasuunermut nersornaammik nersornaaserneqarpoq 

Transparency International Greenland ammasuunermut nersornaasiisarnermik aallarniillunilu siullermeerluni nersornaasiivoq. Nersornaasiinermut siunertaavoq inuiaqatigiitsinni ammanerusumik ingerlatsisoqarnissaanik suliniutilinnik peqquserlullunilu iluanaarniartarnerup kingunerluutigisinnaasaanik saqqummiussisartunik nersorinninneq.

2023-mi ammasumik periuseqarnermut nersornaammik tunisinissamut Ataatsimiititami ilaasortat tassaasut TIG-ip siulittaasua Inuk Lundblad, tusagassiortoq Ilisimatusarfimmilu Tusagassiornermut Immikkoortortami pisortaq Naja Paulsen kiisalu TIG-ip immikkut ilisimasalittut ilaasortaa Anita Hoffer inassuteqaataasimasut tunuliaqutaralugit nersornaatisisussamik toqqaapput. 2023-mi ammasumik periuseqarnermut nersornaammik pinnattuuvoq aviisi Sermitsiaq.

Aviisip nersornaatisineranut pissutaapput  taassuma misissuilluni tusagassiornermik ingerlatsinera allaaserisaqartarneralu, soorlu aalisarnerup iluani pisassiissutaasartut aamma aatsitassarsiornermi piginnittunut tunngasut allaaserisallu allat inuiaqatigiinni pissutsit pingaarutillit pineqartillugit ersiqqissuliorlutik qulaajaasartut.

Nersornaat tunniunneqarneq ajorpoq ataasiakkaanut pissaanermik atornerluineq matoqqasumillu ingerlatsineq pillugit pissutsinik qulaajaasumut aviisili Sermitsiaq nersorniarneqarpoq tamat akornanni inuiaqatigiinni ammasumik ingerlatsinerunissaq aqqutissiuullugu isummanik allanngortitsisariaqarnermik kaamisaalluni sulisitsimmat.

Qulaajaalluni tusagassiorneq tamat oqartussaaqataaneranni pingaaruteqarluinnartuuvoq. Ataatsimiisitap taamatut nersornaasiinermigut ersersikkusuppaa inuiaqatigiinni tusagassaqartitsinerup atuuffiani pissutsinik qulaajaasarnerup Kalaallit Nunaanni tusagassiorfinni ingerlatissallugu inissaminiinnera.

Aviisi Sermitsiaq 2023-mi ammasumik periuseqarnermut nersornaatisivoq sapiissuseqarluni saqqummiussisarnini pillugu, inuiaqatigiinni inukitsuni tusagassiortuulluarnissaq ilaatigut ajornaatsuinnaasanngimmat. Sermitsiami tusagassiortut nukittuffigaat paasiniaasarnertik oqallisigineqartunillu saqqummiisarnertik taamalu aamma takutillugu qanoq pingaaruteqartigisoq qujaasitsisarnissap inissaqartinnissaa, oqallitsitisartumik. Oqallinneq ammasumillu pissuseqarneq inuiaqatigiit isertortumik pissusilersortuunngitsut tunngavissaraat.

Nersornaatip allagartaa ammasumik ingerlatsinerup pissaanermik atornerluinermik qanitanillu salliutitsinermik akiuisuuneranik takussutissaavoq. Soorlu kuseriarnerit sikumik aseruisartut quppanillu pilersitsillutik.

]]>
Kalaallit Nunaanni Ammassuunermut Nersornaat https://transparency.gl/kalaallit-nunaanni-ammassuunermut-nersornaat/ Mon, 13 Nov 2023 13:10:00 +0000 https://transparency.gl/?p=26199

TUSAGASSIUUTINUT NALUNAARUT

Kalaallit Nunaanni Ammasuunermut Nersornaat kinamita siullerpaatut nersorneqassava? Ammasuunermut Nersornaammut siullermeerluni decembarip 8-ani nersornaasiissutigineqartussamut innersuussutinik Transparency International Greenland katersuivoq. Nersornaasiinermi siunertaavoq Kalaallini Inuiaqatigiinni innuttanik nersorinnikkusunneq, isorinnissinnaassuseqarlutillu ammanerusumillu ingerlatsisoqarnissaanik piumasaqartunik.

Ammasuunermut nersornaasiisarnermi siunertaavoq Kalaallini Inuiaqatigiinni innuttanik nersorinnikkusunneq, Kalaallit Nunaanni inuiaqatigiinni ammasuunissamik sulissuteqartunik, takutitserusuttunillu qanoq ileqqorluuteqartranerit kinguneqarsinnaasartut. Suliniutaasalumi takutittarpaat, qanoq pingaaruteqartigisoq ileqqorlunnermik pimoorussamik akiuiniarluni sulissuteqartuarnissap pingaaruteqassusaa.

Ammasumik ingerlatsinerup pissaanermik atornerluinermik qanitanillu salliutitsinermik akiuisuuvoq. Soorlu kuseriarnerit sikumik aseruisartut quppanillu pilersitsillutik. Ammasumik ingerlatsinerup tamat oqartussaaqataanerannut tatiginninnerulersitsillunilu inuiaqatigiinni pisuussutsinik naapertuilluarnerusumik agguaanneqarnissaanik iluaqusiivoq.

Decembarip aallaqqaataata 2023-p tungaanut kinaluunniit inummik, kattuffimmik, peqatigiiffimmik suliffeqarfimmilluunniit piukkussaminik Kalaallit Nunaanni ammasuunerminut/minnut nersornaaserneqarnissaanut/saannut nalunaaruteqarluni innersuussuteqarsinnaatitaavoq. Nalunaarnissamut ulloq killigititaq qaangiuppat ataatsimiititaliap innersuunneqarsimasut nalilersuiffigissavaat nersorneqartussamillu toqqaallutik. Kalaallit Nunaanni Ammasuunermut Nersornaat kimulluunniit/kikkunnulluunnit nersornaasiissutigineqarsinnaavoq, inummut ataatsimut suliffeqarfimmulluunniit. Assersuutigalugu pasinapiluttumik kallerisaarisartumut, nutaarsiassaqartitsivimmut peqquserlulluni iluanaarniartarneq pillugu qulaajaasimasumut, suliffeqarfimmut innimiilliorneq pillugu qaammarsaallunilu akiuniartumut tunniunneqarsinnaalluni. Innersuunneqartut assigiissutigivaat assigiinngitsutigut ammasumik ingerlatsineq, peqquserlulluni iluanaarniartarneq pissaanermillu atornerluineq pillugit ukkatarineqarnissaanik suliaqartuunertik.

Nersornaasiineq nersornaasiinertut takussutissaavoq, tamatumalu saniatigut Kalaallit Nunaanni Ammasuunermut Nersornaat siullermeerluni nersornaataa 10.000 koruuninik aningaasartaqarpoq.

Piukkussamik/nik innersuussuteqarneq decembarip aallaqqaataa nallertinnagu mailimut uunga nassiunneqassaaq info@transparency.gl ima qulequtserlugu “ammasuunermut nersornaasigassamik/nik innersuussuteqarneq”

Kalaallit Nunaanni Ammasuunermut Nersornaat pillugu apeqqutissaqaruit Transparency Greenlandimut attaveqarnissarnut tikilluaqqusaavutit, mailikkut attavissaq: info@transparency.gl.

]]>
Tusagassiuutitigut nalunaarut https://transparency.gl/tusagassiuutitigut-nalunaarut/ Thu, 12 Oct 2023 13:08:00 +0000 https://transparency.gl/?p=26197 Kiisami pasinapiluttumik kalerriisunik illersuinieq pillugu inatsimmik aaliangersaasoqarnialeqaaq

Pasinapiluttunik kalerriisunik illersuineq pillugu inatsisissatut siunnersuut siullermeertumik Inatsisartuni, pingasunngorneq oktoberip ulluisa tallimaat oqaluusereqqammivaat.

Transparency International Greenland nunatsinni inissisimasuusoq tassaavoq peqquserlunnerup iluanaarniarnermik akiuinermik suliniutilik, aammattaaq peqquserlulluni iluanaarniartoqarsimaneranik allatigulluunniit peqquserluuteqartoqarsimanernik naammattuisut ajornaatsumik, isumannaatsumik kinaassutsimik isertuussisumik kalerriisoqarsinnaanissaanut pitsaanerpaanik sinaakkusersuisoqarnissaanik suliniutilik illersuisorlu.

Inatsit ersarissoq nalunaaruteqarusuttunut iluminneersuuppata avataaneersuuppata, sinaakkusiinikkut nalunaaruteqarusuttut kinaassusaannik illersuisinnaasumik kingunipiluuteqartitsinngitsumik, Inatsisartut partiivisalu suliariumaagassaannik.

”Pasinapiluttunik kalerriisut nunarsuaq tamakkerlugu suliffitsik, inuussutissarsiutertik ilaannikkooriarlutillu inuttut isumannaatsumik inuunertik pilliutigisinnaasarpaat, tamat soqutigisaannik ulorianartorsiortitsisunik ilisimasaminnik nalunaartariaqalersimanertik pissutigalugu”, taama oqarpoq Inuk Lundblad, Transparency Greenlandimut siulittaasutut ingerlagallartoq.

Transparency International Greenlandip qilanaarutigaa Inatsisartut inatsisissamik ukkussinissaat, neriuutigalugulu, inatsisissatut siunnersuut akuerineqarumaartoq.

]]>
Ukiumoortumik nalunaarusiaq 2022 https://transparency.gl/ukiumoortumik-nalunaarusiaq-2022-2/ Fri, 29 Sep 2023 08:34:00 +0000 https://transparency.gl/?p=26330 Ukiumoortumik nalunaarusiaq 2022Download ]]> Transparency Summer School on Integrity-mut peqataaneq https://transparency.gl/26132-2/ Mon, 21 Aug 2023 13:55:24 +0000 https://transparency.gl/?p=26132 Juunip ulluisa 26-30-nut 2023 Transparency Internationals School on Integrity peqataaffigaara, Litauenimi Vilniusimi ingerlanneqartoq.

Deltagerne på Transparency Internationals Summer School on Integrity, Vilnius, Litauen, 2023.
Transparency Internationals School on Integrity 2023, Vilnius, Litauen

Mayada M. Mohamadadi, TIG-mi siulersuisunut ilaasortaq

Sapaatip akunnera taanna tamarmi tiguartisimanarpoq, ileqqorluuteqartarnermut innarligassaanngissutsimullu ilisimasakka ilaartungaatsiarakkit, taassumalu saniatigut suatigut inuttullu attaveqaqatigisinnaasarpassuannik pisaartorlungalu saniatigut ataatsimoorfinnik nutaanik ataavartussanik aamma pisaartorlunga.

Sammisassartai siammasissunngorlugit aaqqissugaasimapput, sumorsuarmut tunngasuullutik. Assersuutigalugu timersornerup silarsuaani ileqqorluutaasarsimasunik eqqartuivugut, whistleblowerinut tunngatillugu inatsiseqarneq, ileqqorluuteqartarnernullu akiuiniarnerni sakkuusinnaasunik tigussaasunik atorluarneqarsinnaasunik sammisaqartinneqarluta. Sammisaqartitsivinni saqqummiunneqartuni uannut tupinnartumik aalaallatsitsinut ilaavoq Fidelia Onoghaifep, Nigeriami Hollandimiut ambassadeqarfianni ileqqorluuteqartoqarneranik apuussereernermi kingorna soraarsitaasimanini oqaluttuarimmagu. Aqqusaarsimasani oqalutturai, qanoq whistlebloweriusimanini kinguneqartitsinersoq, nammineq isumannaatsumik iluarusullunilu inuunissaraluani kisimi eqqorneqaannarani ilagisanngui ilanngullutik eqqugaasimallutik, taanna tusagaq uannut qamuunarujussuaq aalassatsitsillunilu attuingaatsiarpoq. Taanna oqaluttuarsiara Kalaallit Nunaaliaatissavara, qanoq nunatsinnut tulluarsakkamik whistleblowerinut inatsisitigut illersuutaasinnaasunik pilersitsisinnaanissarput eqqarsaatigalugu. Sammisaq alla uannut tiguartiffiusimasoq tassaavoq, pisortatigut innarligassaanngissutsimut tunngasunik, itisiliilluni sammisaqartitsinikkut sungiusarneqarneq Tanya Azuajemit ingerlanneqartoq. Tassani pissarsiaraakka sakkussat tigussaasut ulluinnarni nalaatanut tulluarsarlugit atorneqarsinnaasut. Taakkua saniatigut uannut pissarsiaqaataalluarsimasoq tassaavoq ullaakkut naapeqatigiilluni avitseqatigiittarneq, immikkut tamatta nunagisatsinni sunik qanorlu misigisaqartarsimaneraluta peqquserluuteqartarnerup tungaatigut, tassani aamma oqalugiaateqarlutik saqqummiisimasut ataasiakkaat peqataasarlutik.

Tigussaasumik oqaatigalugu Transparency Internationals School on Integritymi peqataanerma ilisimasassarpassuarnik nutaanik immerpaanga, teoriitiskimik piviusumilu atorluarneqarsinnaasut, sulilluartorsuarnillu eqiingasunik inuusuttunik nunarsuaq tamakkerlugumeersunik attaveqaqateqalerlunga, ilisimasannik avitseqateqarsimavunga, utimuuanillu nammineq Kalaallit Nunatsinni iluaqutaasinnaasussanik ileqqorluuteqartarnernut qanoq ililluta akiusinnaanissatsinnut isumassaasinnaasunik pissarsillunga allarpassuarnillumi.

Transparency Internationals School on Integrity 2023-mi peqataaninni atorluarsinnaasunik ilisimasassanik peqalerpunga, ileqqorluttarnernut tassungalu attuumassuteqarsinnaasunik paasisaqaqaanga pulaffeqarluga, minnerunngitsumillu nunarsuaq tamakkerlugumiik inuppassuarnik naapitaqarpunga attaveqaqatitaartorlungalu, inuit sulilluartorsuit, ataavartumik attaveqaqatigisalikkannik. Misilittagarilikkakka malillugit kinaluunniit ileqqorluuteqartarnernut akiuerusuttoq kiisalu akimut ersarisaateqarnissamut tamallu oqartussaaneerulernissaannut isumaqataasoq, kaammattorusuppara Transparency Schoolimut peqataaleqqullugu – peqqissiminavianngilatit!

]]>
Ataatsimeersuarneq https://transparency.gl/ataatsimeersuarneq/ Tue, 11 Apr 2023 12:43:22 +0000 https://transparency.gl/?p=24182 Transparency International Greenland ataatsimeersuareerpoq

Marlunngorneq martsip ulluisa 28-at 2023 Transparency International Greenland – TIG – ukiumoortumik ataatsimeersuartarnini ingerlappaa, tassanilu siulersuisunut ilaasortassaminnik qinerseqqipput.

Karen Heilmann Lennert siulittaasutut ingerlaqqippoq.

”Siulersuisunngortut suleqatigilernissaannut qilanaarpunga, ilaasortaasareersut ataatsimik nutaartalerlutik. Upperaara ataatsimoorluta takutitsisinnaassuseqarumaarluta inuiaqatigiinnilu inuuffitsinni akimut ersarissaanikkut suliaqarluartarumaarluta”, taama oqarpoq siulittaasoq Karen Heilmann Lennert, imalu nangilluni ”Kalaallit Nunaat Kattuffitsitut ittumik pisariaqartitsivoq, sillimatitatut pisunut apeqqusiisinnaasussatut inisseqqalluta, tamat oqartussaaqataanerannik qulakkeerinnikkumasuulluta, taassumalu qulakkeerneqartarnissaanut tigussaasunik siunnersuuteqartarniarluta”.

Ataatsimeersuarnermi ukua siulersuisunut ilaasortaatitaalerput:

  • Karen Heilmann Lennert, siulittaasoq
  • Inuk Lundblad, siulittaasup tullia
  • Martina Sommer
  • Christian P. Jerimiassen
  • Simone Bruun
  • Birita í Dali
  • Mayada Mohamadani
  • Melissa Zeeb, kingoraartissaq

Immikkut ilimasalittut ukua marluk aamma Siulersuisut ataannut inissillutik ilanngupput: Anita Hoffer, siornatigut siulersuisunut ilaasortaasimagaluaq, kiisalu Thomas Trier Hansen, inuit pisinnaatitaaffii pillugit ilisimatooq.

]]>
Ataatsimeersuarneq martsi 30-t. https://transparency.gl/ataatsimeersuarneq-martsi-30-t-2/ Thu, 02 Mar 2023 13:57:44 +0000 https://transparency.gl/?p=24111 Transparency International Greenland ilaasortatik ilaasortanngorusuttullu marlunngornermi ulluusia marsip 28-anni 2023 oqallinnermut kingornalu Ataasimersuartitsinermut qaaqquai.

Ataatsimiinnerit Jens Kreutzmannip Aqq. 4A, 1 salimi ingerlanneqassapput.

Peqataaniaraanni nalunaaruteqassapput uunga mailikkut info@transparency.gl kingusinnerpaamik marsip 27-ani.

 

Oqallitsitsinissaq ingerlanneqassaaq nal. 16 – 16.50

Siulersuisuni ilaasortat Christian P. Jeremiassenip Simone Bruunillu nunarsuaq tamakkerlugu peqquserluttarneq akiorniarlugu ataatsimeersuartitsinerneq IACC, Juullip qaammataa 2022, Washington DC-mi ingerlanneqartoq, oqaluttuarissavaat. Inuiaat Nunarsuarmioqatigut uagutsinnut qanoq isumaqarpat?

Siulittaasup Karen Heilmannip Kalaallit Nunaata Nordic Business Ethicsimi peqataanera oqaluttuarissavaa,  Nunani Avannarlerni suliffeqarfiinni ileqqorissaarnissaq pillugu misissueqqissaarnermut tunngassutilik. TIG-p tamakkunuunatigut misissueqqissaartarnissanik sulissuteqaqqittassava?

Ataatsimiinnermi toqqaananartumik oqalutseqassaagut.

 

Ataatsimeersuarneq nal. 17 – 18 ingerlanneqassaaq.

Ataatsimeersuarnermi eqqartugassaut siunnersuutit ataatsimeersuarnissaq ullunik arfineq-pingasunik sioqqullugu nassiunneqareersimassapput. TIG, Box 1613, 3000 Nuuk imaluunnit uunga info@transparency.gl.

Ilaasortat Nuup avataani najugallit siulersuisunut qineqqusaarusuttut, siusinaartumik nalunaareeqqaneqarput teamsikkut attaveqarfiginissaannut piareersimaniassagatta.

Oqaluuserisassat:

  1. Ataatsimiinnermi aqutsisussamik imaqamiliortassamillu qinersinerit
  2. Oqaluuserisassanik akuersineq
  3. Siulersuisut nalunaarusiaat
  4. Ukiumoortumik nalunaarusiamik kukkunersiorneqarsimaneranillu akuersaarnissamut saqqummiineq
  5. Pilersaarusianik aningaasaqarnermillu saqqumiussineq
  6. Ilaasortatut akiliutaasartussamik aaliangersaaneq
  7. Nalunaarusiami akuersaarneqaqqammisumi sinneqartooruteqarsimappat amigartooruteqarsimappalluunniit periusissanik aaliangersaanerit
  8. Ilaasortat siunnersuutaat
  9. Siulersuisussanik siulittaasussamik sinniisussanillu qinersinissat
  10. Kukkunersiuisumik qinersineq
  11. Taasariaqartut allat

 

Ataarsimersuarneq qallunaatut ingerlanneqassaaq. Nutserisussaq piareersimajumaarpoq.

Kaffeqarlunilu tii kaageqarumaarpoq – ataatsimersuarnerullu kingorna viinnillerumaarluta.

 

Aggialluaritsi!

Siulersuisut

]]>