Transparency International Greenland (TIG)-mit tusagassiutitigut nalunaarut
Corruption Perceptions Index (Qanoq peqquserluttoqartartigineranik takorluuinermut uuttuut)
Nunarsuarmi qanoq peqqusserluttoqartartiginera takorloorneqarpa? Tamatumunnga Nunarsuaq tamakkerlugu suliniaqatigiiffik Transparency International akissuteqarpoq:
Transparency International unnuaq 24-issaa Corruption Perceptions Index-iliaminik saqqummiussivoq. Ajoraluartumilli nunanik sanilliussuinerni Kalaallit Nunaat ilaanngilaq.
Corruption Perceptions Index makkununnga sammisuni akissuteqarpoq: Nunat suut peqquserlunniarfiunerpaappat? Nunani Suni pisortat ingerlatsiviini peqquserluttoqannginnerpaasarpa? Pinerluttarnermut uuttortaanermi nunat 180-iusut akornanni peqquserluttarnerit sanilliussuunneqarput tunngavigalugit paasiniaavigineqartut attuumassuteqanngitsut pisortat ingerlataaannut atatillugu nalilersuillutik tulleriiaarinerat. Kingorna inississuilluni takussutissialiortoqarpoq ersersillugit nunani suni peqquserluttoqan-nginnerpaasartoq aammalu nunani suni peqquserluttoqarnerpaasartoq. Kisitsisinik saqqummiussuinerni ilaapputtaaq peqquserluttarnerit nunarsuarmilu demokratiikkut ajornartorsiuteqarnerit qanoq imminnut ataqatigiinnerat pillugu takussutissiat.
Global Perceptions Index qarasaasiakkut takuneqarsinnaavoq iserfigalugu: http://anticorru.pt/18cpi
Ajoraluartumik attuumassuteqanngitsunik attavissaaleqisimaneq peqqutigalugu kisitsisilersuilluni takussutissiami Kalaallit Nunaat immmikkut nalilersuiffigi-neqarsinnaasimanngimmat, ilaanngilaq. Tassami paasiniaaviit nalinginnaanerusumik assersuutigalugu tassaapput Verdensbanken aammalu World Economic Forum – Kalaallit Nunaannik nalilersuineq ajortut. Transparency International Greenlandilli tungaanit nunarsuarmi qanoq poissutsit qanoq ittuuneri aammalu inernerit Kalaallit Nunaannit ilisimaneqalernissaat pingaartinneqarput. Taamaattumik qaammatini tulliuttuni aggersuni TIG-p Facebookikkut quppernerisani atorlugu peqquserluttarneq pillugu misissuinernit kisitsisit ilai saqqummiuttarniarpai.
Nunatsinnili TIG nunarsuaq tamakkerlugu qitiusumik ingerlatsiviup Transparency Internationalip ”Global Corruption Barometer”-imik taallugu misissuisarnerani ilaavoq. Tassani nunani assigiinngitsuni innuttaasut apersorneqarlutik paasiniaavigineqartarput nunaminni peqquserluttarnerup qanoq ajornartorsiutaanera misigisimasarneraat.
Tassanilu Kalaallit Nunaaat siullermeersumik ilaavoq ukioq 2016. Global Corruption Barometer 2016-imilu Pingaarnertut Inerniliinerup qanoq isikkoqarnera takuneqarsinnaavoq iserfigalugu: www.transparency.gl.