Namminersorlutik Oqartussat piginneqatigiiffiutaasa siulersuisuuffiinut ilaasortassanik toqqartuisarneq

TUSAGASSIUTITIGUT NALUNAARUT, 29. juni 2021

Namminersorlutik Oqartussat suliffeqarfiutaani siulersuisunut ilaasortanik nutaanik toqqaasanermi ammanerusumik ingerlatsisoqartarnissaa Transparency International Greenlandip ujartorpaa. Matoqqasumik ingerlatsisoqarnera ajornartorsiutaavoq, unioqqutitsisoqarsimasinnaaneranimmi isumaliulersitsisinnaasarami. Pissaanermik atornerluinerup kammalaatersornerullu akiorniarneranut ammasumik periuseqarneq sakkussaani pitsaanerpaavoq.

Suleriusissaq nutaaq ukioq manna siusinnerusukkut saqqummiunneqartoq atorneqarsimanngitsoq TIG-p paasivaa, isumaqarpugullu minnerpaatut Siulittaasoqarfiup allaffeqarfianinngaanniik avammut, tamanut ersittumik, ukioq manna ataatsimeersuarnerni periusissaq tamanna pillugu nalunaarutiginnittoqalaarsimasinnaagaluartoq. Ukiup ingerlaneranili ataatsimeersuaqqinnissani, taassuma malinnissaa ajornartussaassanngikkaluarpoq.

TIG-p aammaloorluni Siulittaasoqarfiup Allaffeqarfiani ingerlatseqatigiiffinnut allattoqarfik kaammattorusuppaa Namminersorlutik Oqartussat ingerlatseqatigiiffiini piginnaasatigut pigisanik allattugaateqaleqqullugit kiisalu toqqartuinertaa tamanut takusassianngorlugu ingerlateqqullugu.

Ingerlatseqatigiiffinnut allattoqarfiup nittartagaq nutaaq www.bestyrelser.gl aallarnerpaa januarip ulluisa 13-at 2021 ilaatigut ima paasissutissiissutitalerlugu:

”Bestyrelser.gl aqqutigalugu sulisussarsiorluni ingerlatsinermi nutaami tassani aalajangersimasunik nalilerneqarsinnaasunik arlalinnik qinnuteqartunik misissuinermi nBoardimi sulisussarsiornermi siunnersortinit pingaartinneqartunik namminersorlutik oqartussat ingerlatseqatigiiffiutaanut siulersuisunut sulisussarsiornerit tamaasa sioqqullugit Ingerlatseqatigiiffinnut Allattoqarfik ikkussisassaaq.

Taamaalilluni allagarsiussamut aalajangersimasunik nalilerneqarsinnaasunik assigiinngitsunik nBoard suliaqassaaq, soorlu ukuusinnaapput aningaasaqarnermut pikkorissuseqarnermut, tuniniaanermut, pilerisaarinermut, aqutsinermut piginnaasunut il. il. piumasaqaatit. Taava sulisussarsiorluni ingerlatsineq nBoardip aallartissavaa, tamatumuuna paasissutissanik katersivimmi ilaasortat siulersuisunit atorfik pineqartoq qinnutiginissaanut periarfissaqarput. Siulersuisuni atorfik inuttassarsiuunneqartoq pillugu paasissutissat bestyrelser.gl, nboard.dk-mi qinigassat nalunaarsorneqarsimasut tamarmik mailikkut nassinneqassapput kiisalu Ingerlatseqatigiiffinnut Allattoqarfik LinkedIn qupperneq ”Ingerlatseqatigiiffinnut Allattoqarfik” aamma Naalakkersuisut nittartagaannut inuttassarsiuunneqassaaq.

Ullup qinnuteqarfissamut killiliussap naareernerata kingorna pitsaanersiuilluni nBoard suliamut ilisimasalittut qinnuteqaatinik misissuissaaq qinigassanillu sallersat tallimat toqqarneqassapput suliareqqitassatullu Naalakkersuisunut tunniunneqassallutik. Taamaalilluni suliamik ilisimasalittut aamma sulisussarsiornermik ingerlatsineq qulaani taaneqartoq suliamik ingerlatsineq aqqutigalugu pilersinneqassaaq, taamatut kissaatigineqartoq qinigaasanik qinnuteqartunik paasissutissanik katersivik annertusisaq aqqutigalugu sulisussarsiornermut tunngaviusoq qulakkeerneqassaaq.
Namminersorlutik oqartussat ingerlatseqatigiiffiutaani siulersuisuni ilaasortanngornissamut soqutiginnittut tamarmik kaammattorneqarput www.bestyrelser.gl aqqutigalugu nammineq ilasariteqqullugit.”[1]

Nittartagaq nutaatut saqqummermat, TIG tusagassiuutitigut aperineqarpoq, suliniutaasimanera qanoq isumaqarfigineraat. Aallaavittut suliniut nuannaraarput neriunartoqartillugu saninnguatigulli taarusulluguli iluatsinnersoq aatsaat ingerlatseqatigiiffiit ataatsimeersualeraangasa malunnarsilerumaartoq.

Massakkut ataatsimeersuarnerit amerlanerit ingerlanneqareersimalermata TIG takunnissinnaatitaanermik, Siulittaasup allattoqarfianut, qinnuteqaateqarpoq uuttuutit Namminersorlutik Oqartussat ingerlatseqatigiiffiini pingaarnersiugaanikunut, siunnersuusiat nBoardillu ilaasortassatut siunnersuutai Naalakkersuisunut tunniunneqarnikuusut allallu ilaasortassanik toqqartuinissamut tunngassutillit attuumassutillilluunniit pillugit.

Siulittaasup allattoqarfiata takunnissinnaatitaarnermik qinnuteqaatitsinnut akissuteqaammini nassuiaassivoq ”ukioq manna ataatsimeersuarnissanut qinersisoqarsimanera sunniutingaatsiarnikuusoq, februarip ullisa 16-aniik inissititeriffiusumik aprilip ulluisa 23-at 2021 tungaanut Naalakkersuisuugallartunngorallarnikuummat. Pisut taakku peqqutigalugit suleriusissaq nutaaq malinneqarsinnaasimanngilaq.

Aammattaaq TIG-p siusinnerusukkut Naalakkersuisut Namminersorlutik Oqartussat ingerlatsiviini siulersuisunut ilaasortassanik toqqartuisarnerminni atorsinnaasaattut innersuussutiginikuusagut iserfigalugit takukkit : https://www.transparency.gl/wp-content/uploads/Offentligt-ejede-selskaber-i-Gr%C3%B8nland-.pdf

[1] https://naalakkersuisut.gl/da/Naalakkersuisut/Nyheder/2021/01/1301_bestyrelsesrekruttering